أبدا يومك يا فورما بفطار صحى
الفطار أهم وجبة فى اليوم خصوصاً يا فورما لو كنت متبع دايت، دراسات كتيرة بتقول لما تخلى الفطار عادة يومية ممكن تخس، لازم يا فورما تخلىبالك من أختياراتك، ممكن تفطر خضار وفواكه وألبان وبروتين وحبوب كاملة، علشان الحبوب دى غنية بالألياف وبتخليك شبعان، الفطار هو الوجبةالوحيدة اللى بتتهضم كلها فى جسمك طول اليوم، علشان كده متخفش يا فورما مش حتتخن، بس لو فوّت الفطار ممكن تتخن بسهولة.
وجبة الفطار بتزود قدرة جسمك فى التحكم فى وزنك، بتقلل مخاطر أمراض القلب وبتمنع عنك الجوع فى نص النهار، فى مقولة قديمة بتقول "كلفطارك زى الملك والغداء زى الأمير والعشاء زى الفقير"، هنا بعض الوصفات السهلة لفطارك اليومى.
أقتراحات سهلة للفطار
- شرايح موز مع زبادى وشوفان
- موز مع معلقة صغير من زبده الفول السودانى
- شوفان مع شرايح فواكه زى: التفاح - خوخ - أو الفراولة
- سموزيز زى: توت - تلج - ولبن أو زبادى
- زبادى بالفواكه زى (موز - توت - فراولة) مع العسل
- شوفان أو كورن فليكس بلبن لايت محلى بمعلقة عسل صغيره
- لبن صويا مع زبادى وفاكهه
- سلطة تونة (طماطم - بصل - فلفل - خس - ليمون - زيت زيتون)
- فول بزيت زيتون وليمون مع عيش كامل الحبوب
- بيض مسلوق مع عيش أسمر
***الأفكار البسيطة دى سهلة لأى حد يعملها وحتزود نشاط جسمك طول اليوم ويساعدك يا فورما أنك تخس أسرع.
المشاركات
0 التعليقات :
إرسال تعليق