منتشر السيلوليت أو الجلد المتشقق اللى بيشبه قشور البرتقال بين البنات بمختلف الأعمار، و ده بيكون احياناً نتيجة استعداد وراثي او الجلد حساس، إلا أن نوعية الغذاء ونمط الحياة اليومي اللى بتتبعه البنات بيأثر بصورة كبيرة على مدى انتشار السيلوليت فى الجسم وتكرار ظهورها، علشان كده يلافورما حتقولك على 8 أطعمة اللى أثبت العلم انها بتساهم بصورة أو أخرى في الحد من ظهور السيلوليت أو انتشاره.
- الشاي الأخضر: بيساعد الشاي الأخضر في خفض الوزن عن طريق تسريع معدل حرق الدهون، اللى بيعوق امتصاص الدهون ويساعد على تنظيم الجلوكوز، علشان كده بيكون الأختيار الأنسب لأي إمرأة تبحث عن بلورة وتحسين صحتها. وكمان الشاى الأخضر بيخفف من آثار السيلوليت، لأنه بيحتوي على عنصر الثيوبرومين، اللى بيحفز على التخلص من الدهون المخزنة في الجسم، وكمان بيحتوى على مادة الكافيين، حاولي تشربى 3-5 أكواب في اليوم.
- الحبوب الكاملة: المعكرونة البنية اللون، والأرز البني وغيرها من الحبوب والحبوب الكاملة ممكن أنها تساعدك في خفض الوزن، لأنها هتمد جسمك بالطاقة وتحسسك بالشبع لفترة أطول، وكمان بتحتوى على نسبة عالية من المواد المضادة للاكسدة، اللى بتقتل السموم المسببة للسيلوليت، بمساعد الجسم على التخلص من السموم، لما تضيفى مقدار واحد من الحبوب الكاملة على الأقل يومياَ إلى نظامك الغذائي هيخليكِ تحسى بالفرق.
- البروكولي: البروكلي هو الملك الحقيقي بين الخضروات فيما يتعلق بالقيمه الغذائية، لأن كل زهرة من أزهار البروكولي بتحتوي على مزيج من الفيتامينات والمعادن المعززة للجمال، كمان بيحتوى على نسبة قليله من الكالوريز، كمان يمتلك خاصية تميزه عن غيره من الخضروات وهو غني بمادة الألفا ليبويك اللى بتنتج بشكل طبيعي داخل الجسم وتمنع الكولاجين في الجسم من التصلب، واللى بيؤدي إلى ظهور السيلوليت، احرصي على إدخال البروكولي إلى قائمة غذائك الأسبوعية.
- الماء: أحد الأسباب الأكثر شيوعا لظهور السيلوليت، بعيداً عن الجينات والاستعداد الوراثي هي السموم اللى بنستهلكها وبنستنشقها بصورة يومية، وده بيأدى الى تقليل مرونة البشرة وإبطاء الدورة الدموية، علشان كده أنت محتاجة تشربى مية بانتظام علشان تساعدى جسمك فى التخلص من السموم بصورة طبيعية، احرصي على شرب الكثير من الماء، وتجنبي الكحول الغنية بالسموم وكذلك المشروبات الغازية.
- الموز: يعتبر الموز غنياً بالبوتاسيوم اللى بيساعد في القضاء على السليوليت بشكل فعال، فهذه المادة تقلل من احتباس الماء داخل الجسم ، الأمر الذي يعتبر أحد أسباب السيلوليت، كمان البوتاسيوم بيساعد على دعم الجهاز الليمفاوي وضمان عمله بكفاءة في تنظيف الجسم من الشوائب والسموم.
- التوت: بيساعد على إبقاء الجلد مشدود وبيخفى السيلوليت، ينصح الخبراء بإضافة فيتامين Cإلى نظامك الغذائي للمساعدة في تعزيز مستويات كولاجين الجلد، ويعد التوت مصدراً جيداً لفيتامين C، كمان التوت غني بالمواد المضادة للأكسدة الضرورية لمكافحة السموم في الجسم، واللى ممكن تبطء الجهاز الليمفاوي وتتراكم في المناطق المعرضة للسيلوليت.
- سمك السردين: بيحتوي السردين وغيره من الأسماك الدهنية على نسبة عالية من الأحماض الدهنية أوميغا 3، اللى بتكافح الزيادة في الاستروجين اللى بيدخل فى جسمك عن طريق نظامك الغذائي اليومي اللى بيحتوي على كميات من الكربوهيدرات والحبوب.
- الفلفل الحار: بيحتوي الفلفل الحار على الكثير من فيتامينات B6 اللى بتمتلك القدرة على تجديد الأنسجة الجلديه، علشان كده تضيفى الفلفل الى نظامك الغذائي علشان يعطيك فرصة للتقليل من هذه الترهلات كما يساعد على سرعه معدل حرق الدهون والهضم لثلاثة ساعات بعد تناوله مما يعني حرق المزيد من الكالوريز وفقدان الوزن ايضا.
- الثوم: من المعروف جيداَ فوائد الثوم في المساعدة على خفض نسبة الكوليسترول في الدم، فضلا عن كونه من أهم الأغذية المناعية الداعمة للجسم، كما أنه يعد مضاداً حيوياً طبيعياً مما يحسن الصحة العامة ، و يساعد الدورة الدموية محفزاً الجسم على طرد السموم، مسانداَ إياه في معركته ضد السيلوليت.
المشاركات
0 التعليقات :
إرسال تعليق