أهمية الأنسولين للاعب كمال الأجسام

السلام عليكم ورحمة الله وبركاته 

الموضوع بيتكلم عن التغذية فى المقام الاول والانسولين وعلاقته بلاعب كمال الاجسام يعنى يخصنا كلنا و اعتقد كمان انه بيهم لاعبى كمال الاجسام المصابين بمرض السكر شفاهم الله

 مبدئيا, ما هو الأنسولين؟ الأنسولين هو هرمون يفرزه البنكرياس وله تأثير على العديد من خلايا الجسم (خلايا الكبد,الخلايا العضلية والانسجة الدهنية) يأمر الانسولين الخلايا بــــ : امتصاص الجلكوز امتصاص الاحماض الدهنية امتصاص الاحماض الامينية يحتاج جسم الانسان الجلكوز للطاقة, فتتحول الكربوهيدرات الى جلكوز فى الجهاز الهضمى, ثم تنتقل إلى مجرى الدم فى صورة جلكوز. ارتفاع نسبة الجلكوز فى الدم بشدة سام, وانخفاض نسبة الجلكوز فى الدم بشدة ضار وله تأثير سلبى على وظائف الجسم الحالة الاولى تسمى بالـhyperglycemia اما الحالة التانية فتسمى بالـhypoglycemia, لذلك يوجد بجسم الانسان نظام لظبط مستويات الجلكوز فى الدم لضمان وجودها فى المعدل الآمن , المسئول عن العملية دى هو الانسولين.

 "طيب ايه فايدة الكلام دة للاعب كمال الأجسام؟"
للانسولين خصائص Anabolic يعنى بيساعد الجسم على البناء عن طريق نقل المواد الغذائية للخلايا و مع وجود الانسولين بتقل عملية الـ(Protein breakdown) أو هدم البروتين, وفى نفس الوقت له دور عظيم فى تخزين الدهون لأن زى ما اتفقنا الانسولين بيأمر خلايا الجسم بــــ : امتصاص الجلكوز امتصاص الاحماض الدهنية امتصاص الاحماض الامينية وكنتيجـــــــــة : تتم عملية بناء الجليكوجن من الجلكوز تتم عملية تحويل الاحماض الدهنية والجليسرول لدهون تتم عملية بناء البروتين من الاحماض الامينية يعتبر الانسولين هرمون تخزين (Storage Hormone) علشان كدة فى ناس بتحاول تتجنبه لقدرته على تخزين الدهون ودة طبعا مبينفعش لأن كل ما بناكل بيتم افراز الانسولين وبعدين لو مكلناش مش هنستفيد من خصائص الانسولين البنائة, لكن فى نفس الوقت ارتفاع نسبة الانسولين فى الدم باستمرار مش كويس لانه بيعرضنا للامراض القلبية وتخزين كميات كبيرة من الدهون او لاصابة بمرض السكر (diabetes type 2) لاقدر الله. يعنى نقدر نقول ان الانسولين مهم للاعب كمال الاجسام بس لازم نتعلم ازاى نعمل توازن بين فوائده البنائة, و تأثيره كهرمون تخزين على تخزين الدهون.

"طيب وازاى نحقق التوازن دة؟"

قبل ما نخش على الجزئية دى لازم نفهم يعنى ايه (Glycemic Index GI)
"مين؟!؟!" دة جدول مشهور جدا مهمته قياس سرعة دخول الكاربوهيدرات للدم كجلكوز بعد تناول الطعام.
"قياس؟!؟!"
طبعا, لأن فى انواع كارب بتصنف High Glycemic : زى الكارب البسيط واللى لما بيدخل جسمك بيعلى مستوى السكر فى الدم بسرعة شديدة و كنتيجة بيؤدى لأرتفاع معدل الانسولين ثم تراجعه و انخفاضه بسرعة العملية دى اسمها Insulin spike :. و فى انواع كارب بتصنف Low Glycemic : زى الكارب المعقد واللى لما بيدخل جسمك بيعلى مستوى السكر فى الدم ببطيء وبالتالى بيكون رد فعل الانسولين وارتفاعه بطيء وغير سريع.
 *********************
 النوع الأول بيديك طاقة لفترة قليلة نتيجة للـInsulin spike الذى يحدث, حيث يزود الجسم بالطاقة لفترة قصيرة مصحوبة بهبوط بعد ذلك ولهذا لا يعتبر النوع الأنسب للامداد بالطاقة لفترات طويلة. مثال: البلح, البطاطس, الحلويات, السكر الأبيض, البيتزا
النوع الثانى مناسب أكثر للامداد الجسم بالطاقة اللازمة لأداء المجهود البدنى للفترات الطويلة. مثال: العسل, الشوفان, البطاطا, الخبز الأسمر "يعنى ايه؟ على كلامك الأكلات الـhigh glycemic دي مصيبة ,صح؟"
صح ومش صح, لأن مينفعش أقولك متاكلش بلح مثلا لمجرد انه كارب سريع, بالعكس انت لو كلت البلح دة فى اوقات معينة هتستفيد منه جدا لكن لو كلته فى غير الاوقات دى تبقى بتحط جسمك فى وضع تخزين الدهون. "طيب منتا مقلتش ازاى نحقق عملية التوازن؟" بسيطة جدا, نقدر نوصل للتوازن دة عن طريق تنفيذ عملية الـInsulin spike مرتين فى اليوم, لكن فى أوقات تكون فيها مخازن الجليكوجن قليلة او شبه فارغة: ** عند الاستيقاظ من النوم. ** بعد التمرين مباشرة. الاوقات دى تقدر تستهلك فيها الكارب السريع (high gi) وبالتالى تستفيد من خصائص الانسولين البنائة اللى ذكرناها (زيادة الجليكوجن فى العضلات, ارتفاع فى عملية بناء البروتين وانخفاض عملية هدمه, مناخ افضل لنقل الاحماض الامينية) من غير ما تخزن دهون, وفى باقى الاوقات يفضل استهلاك الكربوهيدرات المعقدة(low gi). يفضل خلق مناخ الـinsulin spike يوميا فى الاوقات اللى ذكرناها لكن مش اكتر من 2-3 مرات بحيث تقل المواد الغذائية المسببة لارتفاع معدل الانسولين على مدار اليوم تدريجيا من الصباح للمساء يعنى بلاش قبل ما تنام وجبة فيها 9 أرغفة فينو (high GI) وكوباية الشاى بحليب اللى عليها 5 معالق سكر أبيض والزبادى عليه معلقتين سكر بالمرة وبعديها شوية عسل اسود .. إلخ إلخ.