الاكل الصحي للاطفال

الاكل الصحي للاطفال :)

اغلبنا عنده مشكله ازاي يتعامل مع الاطفال في عادات الاكل وناكلهم ايه / خصوصا مع انتشار خرفات كتير من عينه لازم ياكل كويس ده بيبني جسمه / ولازم تخلص الطبق الي قدامك يا واد يا هرنك علقه / ومش عاجبك الاكل طيب شوف مين هيطبخلكم تاني :D

المهم :D
المفروض طبعا نعلم اطفالنا العادات الصحيه للاكل من صغرهم علشان نحافظ علي صحتهم ونبعد عنهم مخاطر التعرض لزياده الوزن مع الوقت .
طيب ازاي نعمل ده
مبدائيا لازم نقلل كميه الدهون والسكر من الماكولات والمشروبات الي بنقدمها للاطفال .
وده بسهوله عن طريق تبيدل منتجات عاديه بمنتجات قليله الدسم والسكر :

لبن قليل الدسم أو منتجات الألبان الخالية من الدسم
الدواجن بدون جلد
ازاله الدهون من اللحوم
الخبز والحبوب الكاملة زي الشوفان والبليله مثلا
الوجبات الخفيفة الصحية مثل الفواكه والخضار وعصائر طبيعيه
، والحد من كمية المشروبات المحلاة ب السكر الابيض وتقليل الملح في االاكل الخاص ب البيت و بطفلك.

ولو حاسس انك مش قادر تساعد طفلك ووزنه بيزيد برضو ممكن تستعين بخبير تغذيه بس ياريت تدور علي حد فاهم علشان اغلبهم كفته :D

واهم شئ مينفعش نعمل للاطفال نظام غذائي صعب غير مرن لان الطفل لو حس ب الحرمان ممكن يعند وياكل اكتر او لو حس ان حد بيغصبه علي انواع معينه ممكن موضوع يقلب معاه بعند او حاله كره للاكل ده . لكن لو في سبب طبي لاجبار الطفل علي نوعيات معينه من الاكل مفيش مشكله لو بسبب طبي .

يبقي الاب والام علشان يقدروا يقننعوا اطفالهم ب الاكل الصحي الحل :
توفير خيارات كتير من الاكل الصحي في البيت علشان تعود طفلك ديما علي انه يتجهه للاكل الصحي .

انك تعلم اطفالك انهم ياكلوا الاكل ببطئ وده بيساعد في الشبع اسرع .
لو الطفل طلب كميات تاني من الاكل اطلب منه يستني 15 دقيقه قبل اعطاءه كميه زياده وشوف هيكون لسه فعلا محتاج اكل تاني ولا لا . لان خلال الوقت ده المخ بيكون وصله اشاره من المعده بامتلاء المعده وهيعرف فعلا هو لسه جعان ولا شبع .
لو فعلا لسه محتاج اكل / نقدمله كميه اقل بكتير من الكميه الي اخدها ف اول طبق .

نحااول ديما نعود الاطفال علي الاكل مع الاسره كامله مش وقت ما يقول جعاااان يا ماما تحطيله اكل لازم تعوديه ان الاكل ليه مواعيد ولازم يستني باقي البيت علشان ياكل معاهم .

نحاول نتكلم مع الاطفال علي الاكل علشان يحس ديما ان الاكل مع البيت حاجه كويسه مش تفضلي تضربي اقلام علي وشه ... وتقوليله وقعت الاكل وقعت الاكل ما اهو انا الخدامه الي جبهالك ابوك :D

حاول تخلي اطفالك يشاركوا في شراء الاكل ديما معاك في الماركت او السوق . وفي الوقت ده حاول تفهمهم الفرق بين الاكل الصحي والغير صحي وازاي ديما يختار الاكل الصحي

لازم ديما يكون في تخطيط لاختار الوجبات الخفيفه ( الاسناكس ) وتكون ديما حجات صحيه سعراتها قليله زي الفاكهه او الفشار بدون زيت / لان ممكن تناول كميات كبيره او وجبات سناكس كتيره بين وجبات يساعد الطفل في زياده شراهه للاكل وزياده وزنه .
فلازم تكون وجبه الاسناكس بحدود وب اختيبارات صحيه .

لازم ديما نعود الطفل علي الاكل في الاماكن المخصصه للاكل في البيت / وديما نمنع الاكل في غرفته او قدام التلفزيون لان عدم التركبز مع الاكل هيخلي ياكل كميات اكبر بدون شعور بالشبع

من اهم الحجات عدم استخدام الاكل في عقاب الطفل او في مكافاءته
شغل لو عملت كذا هجبلك شيكولاته ولو محلتش الواجب مفيش غدا هو الي جابنا لورا :D
لان موضوع بيقلب معاه بقلق انه ممكن مياخدش اكل او قليل انه عاوز ياخد امكفاءه الاكل دي ف يركز مع الاكل اكتر ويقول مش هاكل علشان هاخد شيكولاته واعرف اكلها الشيكولاته احلي من الاكل الي ماما بتعمله ويوجع بطننا :D

لازم تتاكد اطفالك بياكلوا ايه بره البيت وديما تتعود تنبه عليهم عدم الاكل من الشارع او شراء اي اكل غير صحي وتحاول توفرهم الاكل الصحي معاهم او معاك وانتوا بره البيت

ولو هتاكلوا ف مطعم حاول تعوده اختيار حجات صحيه ديما وتبعده عن المقلي والخ

حاول تتعلم تقرا الملصقات الغذائيه وتعلم اطفالك يقرواها زيك ويهتموا ب مكونات الاكل وسعراته وكيه الدهون فيه

.مصدر كلامي موقع ميد هيلب الطبي :

http://www.webmd.com/chil…/guide/kids-healthy-eating-habits…
batista