اسباب ثبات الوزن في كيتوجنبك دايت

ثبات الوزن في كيتوجنبك دايت
Loss Plateau او حاله

خصوصا بعد اول اسبوع او اسبوعين من بدايه الكتيوجنيك دايت بعد ما بتنزل اول ٥ كيلو تقولي بتحصل الحاله دي واحيانا بتستمر فترات طويله .
طيب ايه اهم الاسباب الي بتدخلنا في الحاله دي ؟

1 –بتاكل كميه كبيره من الكربوهيدرات ومعتقد انك بتاكل قليل وفي الاغلب بتكون ( المكسرات والجبن لو فيها كارب عالي شويه وبعض فواكهه مسموح بيها زي فرواله ) هي السبب حاول تراجع كميه كارب في اكلك خصوصا المكسرات
2 – بتاكل سعرات اكتر بكتير من احتياج جسمك ف جسمك بيحرق من الي داخل وسايب الدهون المخزنه ف حاول تعيد حساب سعراتك وتقلل شويه .

3 – بتاكل انواع اكل منخفضه في الكاربوهيدرات اه لكن بترفع الانسولين بسرعه وممكن تخرجك من كتيوسيس زي ( بروتين الالبان – الجبن الصلبه زي جبن قريش وجبن الاسطنبولي – مكملات واي بروتين خصوصا – بعض انواع سكر الدايت )

4 – بتاخد كميات كبيره من زيت جوز الهند يوميا ،ورغم اهميه زيت جوز الهند في كيتوجنيك الا ان زيت جوز الهند. يحتوي على كميه كبيره من الدهون الثلاثية المتوسطة. النوع ده من الدهون الجسم بيحاول يحرقه في البدايه قبل ما ياخد من دهون جسمك ويستخدمها . .
5 – بتاكل كميه بروتين كبيره من اللحوم والدواجن والاسماك وبتعدي احتياج جسمك ف جسمك بيحول البروتين ده لانسولين ويتعامل معاه زي الكاربوهيدات ويخرجك من كيتوسيس طبعا ف حاول ديما متكترش قوي من بروتين .

طيب ايه الحل للحاله دي ؟
1 – حاول تقلل منتجات الالبان والجبن او تقطعها خالص فتره
2- حاول تقلل استخدام محليات صناعيه او تقطعها
3 – حاول تقلل استخدام المكسرات او تقطعها
4- ممكن تجرب الصيام العكسي .
5- حاول تتمرن باوزان لو كنت بتتمرن كارديو فقط .

من الاخر اول كام اسبوع حاول تبقي ملتزم وستندر قوي في اكلك بلاش زبده فول سوداني كتير ومكسرات وجبن كتير
خلي اكلك معتمد علي الدهون والبروتين والخضار بشكل أكبر مع جزء بسيط من باقي الأصناف ومع الوقت هتقدر تكون مرن اكتر في إضافة كل الاكل دة ب كميات معقولة